1.პროექტის სახელწოდება: ,,ქიმიური ტექნოლოგია და ეკოლოგიური პრობლემები“
2.პროექტის მთავარი იდეა (თემა):
ა) აღმოაჩინონ თუ რა დიდი ზიანის მოტანა შეუძლია ქიმიური რექნოლოგიების გამოყენებას ყოფა- ცხოვრებაში.
ბ) ალტერნატიული გზების ძიება.
3.პროექტის აქტუალობა: ნათლად დაინახონ თუ რა საფრთხეს უქმნიან ისინი გარემოს არასწორი ქმედების შედეგად.
4.პროექტის მიზნები:
ა) შეძლებენ მიღებული ცოდნის კონკრეტულ საკითხთან დაკავშირებას.
ბ) ახსნიან, აღწერენ, შეაფასებენ, გამოიკვლევენ, გადაჭრიან მოცემულ პრობლემას.
გ) შეძლებენ შეძენილი ცოდნის სისტემაში მოყვანას.
5.ვადები/ ხანგრძლივობა : ერთი თვე.
6.მოსალოდნელი შედეგები/ პროდუქტები, რაც შეიძლება შეიქმნას:
გარემომცველ სამყაროზე ზრუნვითი დამოკიდებულების ჩამოყალიბება; თანამშრომლობის აუცილებლობის გაცნობიერება, საზოგადოებრივ საქმიანობაში აქტიური ჩართვისა და მონაწილეობის მიღების სურვილი, სხვისი აზრის მოსმენისა და გაზიარების, ალტერნატიული გზების ძიების, სწორი არჩევანის გაკეთების უნარ- ჩვევების განვითარება, საკუთარი ადგილის განსაზღვრა საზოგადოებაში.
7.პროექტისათვის საჭირო ძირითადი რესურსები:
წიგნები: ენციკლოპედია მე-4 ტომი, გარემო და სამყარო.
ჟურნალი: ,,სკოლა და ცხოვრება“, ,,ქიმია- ბიოლოგია სკოლაში“.
ინტერნეტი.( რვეული, ფანქარი, საშლელი, ფოტოაპარატი, თაბახის ფურცელი, პრინტერი, წებო, ფლომასტერები).
8.პროექტის მსვლელობა( ძირითადი აქტივობები):
პირველი ეტაპი: გავაცნობ პროექტის მიზანს, მოვახდენ პრობლემის მოკლე მიმხილვას. გამოვყოფ სამ ჯგუფს: ,,ჰაერი“ , ,,წყალი“ , ,,ნიადაგი“. თითოეული ჯგუფი წარადგენს თემას, რომელიც უნდა მოიცავდეს სამ პუნქტს: პრობლემის განსაზღვრა, პრობლემის გადაჭრის გზა და უპირატესობა.
პრობლემის განსაზღვრა:
პრობლემის ზოგადი მიმოხილვა, არსებული მდგომარეობის შეფასება, რამ გამოიწვია პრობლემა, რატომ ვერ გადაიჭრა იგი დღემდე. პრობლემის მოუგვარებლობის შემთხვევაში მოსალოდნელი უარყოფითი შედეგების განხილვა.( ახლოვადიანი და გრძელვადიანი პროგნოზები)
პრობლემის გადაჭრის გზა:
დაცვითი ღონისძიებების გეგმის შემუშავება და განხორციელება. უნდა განისაზღვროს ვინ არის ჩართული მათ განხორციელებაში და რა რესურსები სჭირდება მას.
უპირატესობები:
არგუმენტები, რომელიც ასაბუთებს, რომ მათ მიერ წარმოდგენილი პროექტები არსებულ მდგომარეობას გააუმჯობესებს. რა დადებით შედეგს მოიტანს მათი განხორციელება.
მეორე ეტაპი: მას შემდეგ რაც მოაგროვებენ საჭირო მასალას თითოეული ჯგუფი აკეთებს პრეზენტაციას.ბოლოს ყველაფერი გამოქვეყნდება ბლოგზე.
მესამე ეტაპი: შეჯამება. ( ფილმის ჩვენება- ,,ოზონის შრისა და მჟავა წვიმების“ შესახებ.)
9.საგნებთან/ საგნობრივ ჯგუფებთან/ ეროვნულ სასწავლო გეგმასთან კავშირი:
ბიოლოგია, ქიმია, ისტ-ი.
10.პროექტის ხელმძღვანელი: ირმა ხითარიშვილი.
12.პროექტის ვებ-გვერდი/ ბლოგი:
No comments:
Post a Comment